（欅坂46 6th single）平手友梨奈繼續擔任center

3月7日推出的欅坂46第6張單曲將會推出 而center位置亦剛公布 仍然是平手友梨奈擔任 連續6單坐正center寶座正式打破同是46系的生駒里奈在乃木坂46 5首單曲center的combo紀錄!

首先我自己是預測6單會出現新center 估會是Neru首次擔任中間位置 但意料之外營運仍繼續以平手擔任……

我對平手繼續擔任center沒有太不滿也沒有太過歡喜 平手是個幾有center氣牆 也是個有實力的成員 前5單也表現出佢是企中間的料子 如果要佢退下擔任其他位置 一時間都不知要負責咩位…… 只是我也希望到6單換一換搞點突破 不過營運照舊沒有新安排

近期網上多了一些我唔知算唔算叫平手黑 佢地唔太滿意營運令欅坂變成平手坂 當中有部份或者會比較唔滿意平手近期屢次在live show表演懷疑黑面 態度唔太好 營運仲繼續推佢 對其他成員唔公平 關於此點 有人反擊說是平手辛苦壓力大 接job量高 台上表演非黑面而是疲累 不過我唔太認同 說辛苦欅坂46中平手之外 不少大top個何嘗不是多job接 呢邊拍廣告 那邊出寫真 另一邊又出show 但睇返live show每個人出場都一樣笑面迎人 這就是專業態度 平手友梨奈貴為團中靈魂更應明白這一點

我自己唔討厭平手 但我想欅坂換一換center是因為平手已玩左5單 風格比較仲停留在平手耍帥玩型格的路線 如果 假設換上今泉w小林 或neru上的話 可以藉center變動改一點風格 比欅迷多點新鮮感

即使風格冇點變 我仍會支持欅坂46 一如以往我會type A to D全數買齊支持

6th single 企位: 

(from keyakizaka46 twitter)

3列：齋藤冬優花 / 長沢菜々香 / 原田葵 / 織田奈那 / 米谷奈々未 / 佐藤詩織 / 石森虹花

2列：志田愛佳 / 上村莉菜 / 菅井友香 / 長濱ねる / 守屋茜 / 尾関梨香 / 渡辺梨加

1列：土生瑞穂 / 鈴本美愉 / 小林由依 / 平手友梨奈 / 今泉佑唯 / 小池美波 / 渡邉理佐