（渣古迷）閒時砌砌模型

搬新屋後 多了點空間可以周圍擺下模型 渣古迷的本人最近買回2008年推出的MG ZAKU CANNON 砌的過程中 最麻煩就是腹部同左右腳那些管喉 另外最難搞就是貼紙 我也沒完全貼完 近期也買回HG GYAN 與 MG報喪女妖

高達系列 自己反比較喜歡一年戰爭時期的機體 尤其自護公國的機體 當中最愛是渣古軍團 買模型齋買渣古都唔少野 綠渣古 馬沙專用渣古 仲有咩黑色三連星 白狼 真紅之稻妻 藍色巨星等等 非常多 然而個個渣古基本上只係唔同顏色 大同小異 但就係多人買 渣古系列就是有股魔力 呢部渣古大炮已算是系列中較特別的一部了 我幾喜歡佢套武器裝備

（再會😢）感謝山本彩！ 帶給48系粉絲多年的歡樂喜悅

一個黃金時代的終結！ 近日NMB48 no.1 山本彩（彩姐）宣布從NMB畢業 結束長達約8年的NMB生涯 說到48家族其中一個我最喜歡就是彩姐 多才多藝 唱歌好聽 又懂玩結他（不少48或46的成員寫自己識玩什麼樂器但一被叫出來演奏就得啖笑）且綜藝力十足 有隊長霸氣 遠勝什麼松井珠 只顧自己完全無視隊友 彩姐樣貌外形也唔差 是48家族中我認為是最具實力最萬能的一位 好老實不客氣咁講 其他成員拍著彩姐真係食塵

現在功成身退 知道後多少有點失落 但我認為佢一早有跡象要退出 如唔再玩總選 愈來愈傾向solo 換個人歌手形象 種種都似即將要從NMB畢業 也可能早在更早時間就想過畢業 只係營運希望彩姐留隊 畢竟NMB在沒有了美優紀與山本彩後 暫未見隊中有可取代得到的靈魂人物 白間美瑠等成員暫未見有對全團的領導能力 所以彩姐留隊十分緊要 相信營運希望拖耐一點才讓彩姐離隊

說到最當初留意山本彩這號人物 是有一屆總選 我睇到前1至16位 那時記得彩姐是14位 起初睇不覺太吸引 當時彩姐仍是短髮 我則喜歡女孩子長髮 所以只係望一望 沒有多大感覺

但自有次找回NMB48不少綜藝節目 同埋煲返多首NMB單曲 睇MV等等 就開始愈來愈對彩姐呢位成員驚嘆 這人絕對有種獨特台上魅力與表演力吸引觀眾 節目有左佢 就好自然覺得好睇幾倍 歌也一樣 能表現更多一層感染力 自睇返好多NMB節目 就漸漸變成彩姐的飯 我也買了不少NMB的單曲 彩姐solo歌 寫真集

人有悲歡離合 月有陰晴圓缺 世間萬物 總有離別時 作為彩姐推的我 期望今後sayaka繼續在演藝歌唱事業上大放異彩！患誠的粉絲定必追隨 也祝福沒有了彩姐的NMB48眾成員繼續努力

（寫真集收藏） 欅坂46 菅井友香1st写真集

家裡的偶像cd 寫真集愈買愈多 就快開博物館都得 鍾意既日本女團同成員畢竟實在太多 單單一隊欅坂46 只講漢字欅21人就起碼10個都鍾意 預左佢地本本寫真書都會收藏 仲要計埋乃木坂 AKB NMB HKT...... 真係多到數唔盡

菅井是繼梨加與NERU後第3個欅坂46的成員出版寫真書 前兩者我都已經買入收藏了 菅井本野6月初已出 近日太忙冇時間出信和買 諗諗下再唔去本書過哂期就更冇癮買 剛好今日又陽光普照 即刻拿拿聲入貨！

根據日本ORICON NEWS消息 友香本寫真首週銷量超過5萬本 由6月4日至6月10日計算 取得了第1位 這是非常不錯的成績!

貴為團中"大小姐"的菅井友香 寫真集當然要取景比人感覺高貴 氣派的法國巴黎 書中有拍攝到當地著名景點 如艾菲爾鐵塔 凱旋門等等 以下是書中數頁的拍攝

 

 

 

 

 

 

 

最後面當然仲有唔少友香的水著照哦💓 支持者絕對要買來收藏!

下次再有寫真出版的話 我比較希望會是理佐 守屋茜或小林由依😍😍😍