近期較忙 7單出左個幾星期先補回4隻碟 買返黎開先覺A同B係台版 我比錢時仲心諗好似平過以前咁 原來有兩隻係台版... 裡面冇生寫...... SOSAD 我份人就係咁 多次買野都卡關 唉 曾諗過補返兩張A同B 既日版 但最後都冇咁做 希望8單唔會有d on居野出現
所以今次爆碟只能爆兩張生寫😥😥😥...
C碟爆出平假欅一期生的柿崎芽実 雖然說不上大推 但都算可以 我是極膚淺的顏飯 芽実是絕對合格的一批😉
Type D就爆到最鍾意的成員之一 菅井隊長! 我爆碟爆親張生寫都同隊長幾有緣 記得早期有一單係3隻TYPE 兩張都開出友香
如果A同B是日版 生寫開出今泉就好了 話哂今泉都畢業 想留個紀念 我同佢冇咩緣 連續7次單曲都冇次中到佢😢😢😢……
話說我幾喜歡泉妹(圖左) 呢個髮型 幾襯佢💗💗💗
睇梨加段片 背景廚房 心諗梨加今次又地獄廚神上身? 原來今次係整佢最愛的麵包😛 隻アオコ麵包好得意 我都想食梨加親手做的麵包😍 BTW睇見梨加玩同食得咁開心我也很開心!
最後10月3日就是今泉佑唯首本寫真集推出 這絕對要買 希望今泉畢業快樂 以另一身份在舞台與飯們見面😉
搬新屋後 多了點空間可以周圍擺下模型 渣古迷的本人最近買回2008年推出的MG ZAKU CANNON 砌的過程中 最麻煩就是腹部同左右腳那些管喉 另外最難搞就是貼紙 我也沒完全貼完 近期也買回HG GYAN 與 MG報喪女妖
高達系列 自己反比較喜歡一年戰爭時期的機體 尤其自護公國的機體 當中最愛是渣古軍團 買模型齋買渣古都唔少野 綠渣古 馬沙專用渣古 仲有咩黑色三連星 白狼 真紅之稻妻 藍色巨星等等 非常多 然而個個渣古基本上只係唔同顏色 大同小異 但就係多人買 渣古系列就是有股魔力 呢部渣古大炮已算是系列中較特別的一部了 我幾喜歡佢套武器裝備
一個黃金時代的終結！ 近日NMB48 no.1 山本彩（彩姐）宣布從NMB畢業 結束長達約8年的NMB生涯 說到48家族其中一個我最喜歡就是彩姐 多才多藝 唱歌好聽 又懂玩結他（不少48或46的成員寫自己識玩什麼樂器但一被叫出來演奏就得啖笑）且綜藝力十足 有隊長霸氣 遠勝什麼松井珠 只顧自己完全無視隊友 彩姐樣貌外形也唔差 是48家族中我認為是最具實力最萬能的一位 好老實不客氣咁講 其他成員拍著彩姐真係食塵
現在功成身退 知道後多少有點失落 但我認為佢一早有跡象要退出 如唔再玩總選 愈來愈傾向solo 換個人歌手形象 種種都似即將要從NMB畢業 也可能早在更早時間就想過畢業 只係營運希望彩姐留隊 畢竟NMB在沒有了美優紀與山本彩後 暫未見隊中有可取代得到的靈魂人物 白間美瑠等成員暫未見有對全團的領導能力 所以彩姐留隊十分緊要 相信營運希望拖耐一點才讓彩姐離隊
說到最當初留意山本彩這號人物 是有一屆總選 我睇到前1至16位 那時記得彩姐是14位 起初睇不覺太吸引 當時彩姐仍是短髮 我則喜歡女孩子長髮 所以只係望一望 沒有多大感覺
但自有次找回NMB48不少綜藝節目 同埋煲返多首NMB單曲 睇MV等等 就開始愈來愈對彩姐呢位成員驚嘆 這人絕對有種獨特台上魅力與表演力吸引觀眾 節目有左佢 就好自然覺得好睇幾倍 歌也一樣 能表現更多一層感染力 自睇返好多NMB節目 就漸漸變成彩姐的飯 我也買了不少NMB的單曲 彩姐solo歌 寫真集
人有悲歡離合 月有陰晴圓缺 世間萬物 總有離別時 作為彩姐推的我 期望今後sayaka繼續在演藝歌唱事業上大放異彩！患誠的粉絲定必追隨 也祝福沒有了彩姐的NMB48眾成員繼續努力
