等候多時的8單爆碟終於到了，筆者在信和橫濱買了type a，b同c，好貴，以為仲係160鈫，點知炒到190鈫一隻，筆者就走人去信和一樓買，價錢公道好多，日版135鈫，送海報一張，但好好賣，得返一隻type d，咁既然開始就想買齊4隻，咁當然買，但隻type d都係最後一隻，坂道系果然勁！買齊4隻合共705元。
橫濱碟出名貴，但過往筆者在橫濱買的cd開出偶像的生寫真，就經常開到大top，所以貴得來開相靚也一樣開心，以下是爆碟情況，開完之後有點失落，過往橫濱買碟常開大top的法力開始失效：
TYPE-A先開中平假欅(即黎緊日向坂46) 的渡邊美穗，有人話正，但不是筆者杯茶，藍球健將體育型，但呢個算係平假欅之中的top，也是平假之中第一個推出寫真集，筆者則對佢冇咩感覺。
TYPE-B開中筆者都幾喜歡的高妹，土生瑞穗，隊中最有model台型之一，扮男仔時幾帥，真正男性都自愧比不上，開到土生呢下都仲ok， 問題不大。
之後TYPE-C就慘豬囉，中左平假欅最唔掂其中一個，當堂想喊出黎，上次有一鑊已經中左佢，今次又黎，救命！
TYPE-D 又係伏中伏，欅坂第一期21人之中最唔得就係齋藤冬優花，已經想爆粗，咁多唔中中左佢。
我見twitter d日本人中親都大粒野，開渡邊梨加，渡邊理佐，平手友梨奈，係久不久一張半張踩伏，係咪去香港d碟特別二線定點……（說笑）
不過幾鍾意首歌黑羊，有些意思，歌名與歌曲PV演出來源自一種叫“黑羊效應”的現象，成首歌故事頗為黑暗，平手在歌中的角色是個悲劇的存在，社會上沒人接受佢，PV中會見到其他成員個個都排擠佢，平手多次想擁抱她們，希望他們接受但都被推開，得不到救贖，而PV中平手以外的成員自己本身都受到社會各方殘酷對待，有家暴，工作上欺壓，學園欺凌等等，每個都是受害者，平手得不到社會接受，其他成員也一樣，成首歌的背景非常黑暗，是8隻單曲以來，故事最令人不快的。
Live中有段是平手想擁抱其他成員，意指希望有人接納自己，走出欺凌排擠的陰影，但其他成員都把平手推開，直到小林由依的鏡頭，小林想安撫接納平手，但卻被其他成員指着要她退開，這正正是社會欺凌排擠的反映，透過舞台表演訴說社會黑暗面，筆者幾喜歡這種有故事性，有意思帶出來的演出，每次睇PV都有種莫名的哀傷感，今次8單着實不錯。
3月13日就會有小林由依的first寫真集推出，筆者係會幫襯的，3月27日就是日向坂46的debut single推出，應都會買，畢竟要支持一下團內的小坂菜緒，金村美玖同埋河田陽菜。
沒有留言:
張貼留言