（玩遊戲反被遊戲玩）乃木戀活動《神明大人 請給我勇氣》賽後報告

一開波要發火。想嘈下呢隻手遊最on居的地方就是失驚無神迫人更新，你冇得按稍後更新，要立即做，最大件事佢選在活動最後一日才做，仲要在12點更新，個活動下午四時正才結束，一見到更新成18mb就知大檸樂！個update下下99%後就長期唔郁，重新來過就仲衰，停在0%不動，你估個個人匿係屋企步著個wifi玩咁毒咩，行出街用流動網絡又話更新失敗，另外如果個個玩家都一齊中招都算，若只有自己被迫更新，仲要更新得咁衰，都咪話唔嬲，個系統更新咁垃圾好心營運有時間就改改啦，諗著躋身排名100以內，一個低能更新檔就令我跌出目標以外，幸好只是跌出100位，禮物沒有差別太大，失去一張卡（反正都唔諗著升呢張，唔好用之餘張卡設計又麻麻，下面再說明），十個銀徽章同十張升級卡（豪比你啦），如果衝25位就真係卜街，所以神明大人真係多謝哂。

最終排名102位，最衰就係呢d位，101就仲嘔血，不過也差不了多少，我要嬴前面班人點會嬴唔到，因為仲有17張加油大聲公買左未用，今次明比營運迫害，返到屋後更新完我都唔知有咩係更新左，版本一樣是1.17.0，正垃圾，咁樣出陰招更加唔會貨金。

紅白歌合戰2019想做11連抽，但考慮到1月6日就是梅澤美波生日，加上可能抽中唔喜歡的成員，所以還是把3000金幣留比美波算了。

今次活動卡《一如往常》的能力非常一般，12個六角型方塊變紫色並增加時間5秒，其實即是中間位置出一個彩色音符，但不好的是要自己手指轉一圈把12個變成紫色的方塊弄成彩色音符，遠不如直接放音符那麼方便，手指轉一圈，若反應較慢，隨時要使用1至2秒時間，那卡片增加時間5秒其實質是要扣去至少1秒，因此能力與上次新北市活動一樣都是普普通通，沒有《勝利女神》那麼強大，60級時演技能力只有513，弱於勝利女神的525。

出陣的卡片變化不算太大，5張卡中一張留給活動卡《一如往常》，增加蒙布朗（愛心）10%，另外4張分別是《勝利女神》系的飛鳥，麻衣，與田祐希，與田卡片已經升到Level 100，近照十分好看，另加松村的《戀上台中》，彩色音符亂爆，平均一場取4百多個蒙布朗。但點勁都好，就一個低能更新檔直接KO，玩遊戲反被遊戲玩，勝利女神都要收檔（笑）。

（完全突破的與田祐希《勝利女神》）

（慶祝美月寫真集推出，把美月其中一張的4星卡升爆）

（新抽豪華轉蛋第一張就中到岩本蓮加，卡名《想變堅強》，張相就幾靚，蓮加顏值高就再加分，但卡片能力就很一般了。）

講完隻game，發火就發完，也要恭喜一下麻衣本寫真集《Passport》取得野間出版文化賞，這本號稱寫真界的聖經，翻印又翻印都照賣哂，相信幾乎個個乃粉都有一本收藏（筆者也有），美神白石麻衣果然非浪得虛名！寫真集好耐冇買過，但美月本寫真就一定要課金比面，家裡寫真集多到大櫃都就快沒有位置放，也要想想方法。