生田繪梨花最新2nd寫真集INTERMISSION入手！另打包福原遙寫真集！

期待已久的生田繪梨花第2本寫真集終於出版！信和入手兩本寫真，一本是生田2nd photo book《INTERMISSION》，另一本就是福原遙的《これから。》，合共540元，生田的240元，福原遙本野要300元😮。

乃木坂在寫真集界真係強到冇人能敵，白石麻衣創下日本女明星寫真集界歷史顛峰，本《passport》翻印又翻印，都仲好好賣，而緊隨期後的西野七瀨，生田繪梨花等乃團福神們也是不簡單，乃團勁在吸到男性粉絲之餘仲要食埋女性市場，所以周邊產品非常好賣，這次的生田2nd寫真集據新聞消息所講就是首批出貨量已經22萬本，上市一日就要話加印5萬本，銷量非常恐怖！生田能挑戰麻衣的寫真女王寶座嗎？

繪梨花今次本寫真在紐約拍攝，上次本《轉調》則是在德國，寫真就觀察完畢，今次拍得都唔錯，生田真的很美，噴血部份就算了，下面放返少少簡單既相，有幾張穿和服的影得幾好，本野幾好睇，前後睇左3次。

另外睇左日劇《3年A組》睇到福原遙，再google d相後，筆者立即“沈船”！所以即使本野已經是上年9月出既，筆者都照買，鍾意就唔諗，本身我都睇中埋另一個有份演《3年A組》的今田美櫻，不過最後都係鐘意福原遙，本野望完，比較少水著，呢度扣左d分。

黎緊2月會推出欅坂46第8張單曲，應該都係平手企c，曾想過如果欅坂去到第8單都係唔肯行新路線既就棄買，不過筆者多數講同做兩回事，身體還是很誠實，一樣地我會買齊4隻types，同埋小林由依也推出首本寫真集，會在3月份出版，呢本一定會買，筆者的荷包就為偶像們繼續出血吧！就欅團鍾意個班仍然沒有個人寫真集的，得理佐同守屋茜。