（決戰課金會員）乃木戀25單記念活動～幸福的保護色．想尋找之物在哪裡呢～

筆者近幾個月儲了非常多彈藥，乃木戀我連第7屆彼氏都hea玩，不停在彼氏活動擦了過百粒減色調色盤，延長碼表，目的就是在麻衣畢業單活動殺入前25位，活動前，筆者有3百多個減色調色盤，3百多個延長碼表，與過萬個金幣，大有能力狂開加油大聲公，把分數提升5倍，衝前25位幾近沒有難度，反而係最驚隻GAME好興活動最後一日更新，有時更新衰過人，隨時入唔返隻GAME，好似上次咁輸比個垃圾遊戲系統就陰公豬，有wifi就唔太驚，但剛好活動期間筆者要出差，有時難拎wifi。

現在玩乃木戀有兩套陣容，第一陣容是真係落手玩，冇開SKIP模式，基本上一如以往，都係出舊卡片，新個批4星能力愈出愈垃圾（尤其唔洗比金幣抽的那些活動4星卡），但老實說，我用舊卡組玩已經足夠，分數照爆冇問題，4張"勝利女神"卡牌，畫面中央開3個彩色音符另加7秒時間；仲有一張卡由以前常用的松村沙友理"戀上台中"卡牌，改做岩本蓮加"天使的告白"，畫面隨機4粒彩色音符另加7秒時間，平均每局遊戲可取得900至1000分，再好一點1100分，再配合加油大聲公分數5倍提升，平均一局接近5000分。

（筆者出擊第一陣容卡組，除了岩本蓮加"天使的告白"外，都是較舊的卡片，"勝利女神"太好用了。）

第二陣容是：當冇咩時間玩時，就會開SKIP模式，系統幫手玩，這時就睇演技值總數，演技值總數愈高，得分就較高，但好抵死，大部份得分一局只有2百多分，都係，如果一局比你成400分，那還有人玩麼？筆者第二套陣容（SKIP模式專用）：

1. "勝利女神" 齋藤飛鳥
2. "2020年生誕祭" 梅澤美波
3. "戀上台中" 松村沙友理
4. "願初夢帶給你好運" 早川聖來
5. "天使的告白" 岩本蓮加

（第二陣容卡組。）

前25位取得多3張卡牌，分別是白石麻衣，小百合與生田繪梨花，張相細到喊出黎，得飛鳥張卡幅圖係大一點，白石麻衣張卡用作頭像細到喊，得丁屎咁大粒，梗係啦，大幅張圖唔洗問阿季梗係要課金先有機會開到～所以，老實講筆者中途曾經想拎26位至50位排名就算數，因為係得飛鳥張卡好一點。另外張卡升到90LV冇得轉相，誠意欠奉，差過上次24單活動，麻衣畢業單活動好心搞好D啦。

最終排名，第11位，分數接近78萬分，花了好多資源才取得，惡戰課金會員，見識一下唔比錢玩的都不是東亞病夫，活動今日完結，宜家可以o抖一段長時間了。

前25位獎品：

1. 4星卡片"所尋之物何在"：白石麻衣，生田繪梨花，井上小百合，齋藤飛鳥，與田祐希，秋元真夏，山下美月，梅澤美波

2. 突破界限銀色徽章100個

3. 卡片快速升級卡牌30張

（筆者遊戲中名字，多多指教～）

（前25排名的卡片，白石麻衣。） 

（飛鳥這一張就靚啦～）

另外，花了成6000金幣先開到限時抽卡活動："在乃木坂學園傾訴對你的喜歡"的飛鳥卡片，第一次開中高山一實同吉田綾乃，兩個都不是推，第二次才開出大愛～飛鳥，同埋阪口珠美。能力是隨機兩彩音（80LV後3彩音），另加10秒時間。

（花了6000金幣才開中飛鳥。。。遊戲中荷包流了不少血。）

（筆者極速升LV，LV90卡片照片變化了，很帥的飛鳥。）

（連同珠美醬一同升級。）