（欅坂傘下團體）平假欅2期生

坂道系愈玩愈大 包括乃木坂與欅坂都一樣 成員愈來愈多 當然未追到官方敵對團體AKB48系 欅坂46分拆主隊“漢字欅”與2隊“平假欅” 宜家又黎多隊平假欅2期生 誓求釣到更多粉絲的心與荷包 本人也是其中之一！

呢隊平假欅2期生 早在上年8月已通過選拔 亦在欅坂46的冠名節目"欅字不會寫"上年10月時向大家介紹了 我由於有事忙去到近期才開始留意 網上見有人話顏值算Ok 我自己認為9個人中只有一個比較留意 就是金村美玖 （圖左上角）未算得上好靚 不過睇落算幾私文得體 感覺幾好 唔錯唔錯 出生日9月10日 處女座 正好同本人一樣！唔怪得一睇就上眼 特技saxophone 薩克斯風 識玩下樂器也是個好興趣 雖然看過“欅字不會寫”第100集後 她的saxophone特技冇點表現到出黎 ……

我發現我好幾個推既成員都會玩樂器 本人欅坂46首席女神 渡邊梨加就是個鋼琴高手 乃木坂46生田繪理花也是我幾喜歡的成員 也是精於鋼琴呢！

  (金村美玖)

其他成員我認為小坂菜緒 丹生明里 富田鈴花也Ok 其他一般般唔太是我的菜 我既大推認定是金村冇其他的了

而有人比較平假欅2期生同乃木坂3期生 話乃木坂個邊完勝 顏值較高 咁呢點我認為都係乃木坂3期生個邊較優 我睇上都有幾個 人稱3期生4天王中有3個我都喜歡 包括山下美月 與田祐希 久保史緒里 另外梅澤美波我也幾喜歡 種不良感覺幾好

較平假欅2期生優勝我想就是營運是急於尋持一班新力王牌隨時取代有主力成員畢業的第一梯隊 例如最強的西野與白石 隨時也可能畢業 一旦冇左呢幾個主將 3期生就會是替補 所以3期生選出的盡可能都一定高質

當然兩隊女團我也十分喜愛 120%支持！

終於入手！長濱neru 與田祐希 寫真集！

我除左喜歡收藏收息股 收藏心愛女團的專屬產品也是另一喜好 早排考試搞到冇時間去買 今日終於入手！早日股場中短線戰將1928金沙中國 由本帥駕馭半日內百萬熊軍中取敵首級！收獲以超級短線計算唔錯 為獎勵自己 決定數日內補回未買的偶像products 原本仲有野想買但冇貨 算數唔等了

與田祐希 乃木坂46 3期生最愛成員之一 人稱3期生四天王之一 18單成為w center之一😊 與田本寫真一般般好看 成本野冇咩景 似在印度定唔知咩取景 拍攝時只影下d街道 冇咩影到當地的名勝景點 集中點得與田本人冇景色配合 效果拍出黎一般般

講到拍人加拍靚景 我睇過無數本日本女團寫真集 拍得最好其中之一當數AKB48 的橫山由依個本 取景自日本京都 在拍攝人同時也考慮埋景點 也做到人與景點的相融 做到美的和諧的效果 由依個本我比幾高分 相比與田呢本真心麻麻

長濱neru 欅坂46 ace之一 唱歌十分麻麻 但外貌則算是高分 顏飯的我點可錯過 上次支持得梨加bb 點可以唔支持neru😄

Neru本書取景自故鄉長崎 五島列島 整體ok 景與人拍攝得都算好 書中睇出neru身材比想像中勁 亦有其最煞食的絕招 “女友目線” 近照拍攝加嗲樣 令毒男粉絲魂魄從肉體抽離 正

本人AKB48 乃木坂 欅坂等寫真集多到就黎冇地方擺了 經常比屋企人丙話買咁多做咩 不過為了追星我覺得值得的 唔買既 股票賺d錢已冇其他地方洗了

（欅坂46中我的最愛）渡邊梨加 1st 寫真集入手！

終於等到了 梨加的首本寫真集《饒舌な眼差し》我是在信和地庫某鋪入手的 280元 算是貴 訂的唔洗咁貴 不過我唔太喜歡訂 貴點冇所謂 反正823領展也剛派息 這算是領展送的 也不用動我份糧分毫😚

渡邊梨加是我迷上欅坂46的第一位關鍵人物😍 所以洗多點也是值得呢^_^

 

這本寫真集是在希臘取鏡 看完了覺得拍攝算是不錯 最驚嘆的是梨加的水著 真是有夠睇頭 欅坂fans值得留意兼珍藏😆

 

12月份欅坂之中仲有一位我也幾喜歡的會推出寫真集 長濱neru 也是十分期待 另外AKB48 渡邊麻友 solo album “best regards” 也會推出 我是會全數買回家(╯з╰)